Tibco

TIBCO Software er bandarískt hugbúnaðarfyrirtæki sem sérhæfir sig í lausnum sem tengja saman ólík hugbúnaðarkerfi í rauntíma.

Tibco hefur á boðstólum hugbúnaðarlausnir fyrir samþættingu upplýsingakerfa, rafræn samskipti milli fyrirtækja, vefgáttir og skyld viðfangsefni. Slíkar tengingar gera fyrirtækjum kleift að láta gögn flæða sjálfvirkt milli hugbúnaðarkerfa óháð því á hvaða tölvukerfi viðkomandi hugbúnaður keyrir. Fyrirtæki geta því leitað bestu lausna á hverju sviði fyrir sig án þess að fórna samþættingu upplýsingakerfisins í heild. Til viðbótar þessu gera hugbúnaðarlausnirnar frá TIBCO fyrirtækjum kleift að gera verkferla sína sem mest sjálfvirka og á þann hátt spara bæði tíma og fjármagn.

Meðal notenda á hugbúnaði frá TIBCO hér á landi eru:

• Landssími Íslands hf.  
• Alþingi

Meðal alþjóðlegra notenda eru:

• AT&T
• Cisco Systems,
• NEC
• Philips
• Procter & Gamble
• Sun Microsystems
• Yahoo!